29 oktyabr 2021- ci il tarixində Vətən müharibəsinin birinci ildönümünün keçirilməsi ilə əlaqədar Tədbirlər Planına uyğun olaraq Qazax rayon  Heydər Əliyev Mərkəzində “Qənimətlər Parkı”na  virtual ekskursiya başlanmışdır. İlk olaraq məktəblilər Heydər Əliyev muzeyi ilə tanış olmuş, Ulu Öndərin həyatı və siyasi fəaliyyəti haqqında şagirdlərə ətraflı məlumat verilmişdir. Sonra Mərkəzin ekspozisiya zalında yerləşdirilmiş monitorda “Qənimətlər Parkı”na onlayn tur təşkil edilmişdir. Məktəblilərə Azərbaycanın 44 günlük Vətən müharibəsi haqqında danışılmış, möhtəşəm Zəfərimizə aparan şanlı, şərəfli tariximizin hər bir səhifəsini əks etdirən mühazirə oxunmuşdur.